بالصور...الختان الجماعى بقرية السنط الغربى الخميس 26 يناير

صبر شوية لحدي ما تظبط معاي والعندو ملاحظة يرسلخا على الخاس حتى اتقي ضحكات ود سعيد الشرماء شماتة

يا خلف الله.. أقصد معاوية... عذبتنا

مش ممكن تخت ليك صورة عرضها متر ونص على شاشة أقل من 40 سم.. حاول صغرها شوية.

لك التقدير على مجهودك.. ولا يهمك بندخل ونعدل الصور.

معاوية أكيد شغلك الشغل..وانا متأكد أن قبتك فيها فكي كارب..نزل الباقي كلو..وسوف نرفدك بالمجموعة التانية..

أبو الأضواء كتب:: يا خلف الله.. أقصد معاوية... عذبتنا

مش ممكن تخت ليك صورة عرضها متر ونص على شاشة أقل من 40 سم.. حاول صغرها شوية.

لك التقدير على مجهودك.. ولا يهمك بندخل ونعدل الصور.

ات عارف يا ابولمبة اقصد ابو الاضواء انا كنت واثق انو في ايادي خفية عملت على تعديل الصور وعشان كدا نايم قفا

عبد الرحيم سعيد بابكر كتب:: معاوية أكيد شغلك الشغل..وانا متأكد أن قبتك فيها فكي كارب..نزل الباقي كلو..وسوف نرفدك بالمجموعة التانية..

اها ترانا امننزل وعشمنا في ابو الاضواء

بس مطلوب منك التعليق ولانو كل جماعتكم ديل بشبهونا فشوف ليك اي واحد وقول دا معاوية بس ما يكون من عيال الطهور

بنت وهب كتب:: أعضاء المنظمةأغلبهم أضافة الى مجموعةمكونة من عشرين من الكوادر الطبية باكرا توجهنا الى قرية السنط الغربى مباشرةالى مقر الاحتفال وكانت الفرحة غامرة بوصولنا..وكعادة أهلنافى الريف البشاشة والترحاب وعلى رأسهم عم عبضرحيم والذى بالكاد استطعنا تمييزه من بين المستقبلين فقد كان وسطهم وواحدا منهم.

شوف دا يشبهك يا معاوية لما كنت صغير "بالقرون التلاتة".. وعدم الخوف..

بنت وهب كتب:: طرحت الفكرة ابتداءفى الرحلةالتى أقامها عم عبضرحيم فى جبل كرباج ابان زيارته السابقة للسودان وكان الاتفاق ان يتم تنفيذ مشروع ختان 250 طفل عبر منظمة منتدى الابيض وبدأت الترتيبات منذ تلك اللحظة الى ان كللت المجهودات بفضل الله بالنجاح والتوفيق واكمال المشروع.

وهكذا بجهود ناس قدرونا تقديرا..ونحن لهم مدينون بالجميل..والقدرك في أهلك اشتراك..

بنت وهب كتب:: وبدأت وفودالقرى باطفالها فى الوصول الى قرية السنط الغربى والذى أدهشالجميع هو الفرحة التى كانت تطغى على وجوه الجميع والترحاب اللا متناهى من أهالى السنط تجاه ضيوفهم.

أم "جليلي" تنطق الجيم كالـ CH تنقل الفرح من فريق لفريق..حلتنا يصعب ان تحومها بدون عربية أو راكبا دوابك..ونحن نسوق في الزلط لذلك نطلب مساعدة الشباب "نقطع القوز"..وهيلا هب..وحلنا..وهيلا هوب طلعنا من وحل الرمال..

بنت وهب كتب:: عم عبضرحيم داخل حلبة(العرضة)حضورا مميزا وهو يشارك الشيوخ والعمد فرحتهم به.

الخال الشيخ محمد عجب الدور يقدل راقصا في الحلبة..وعينو في "الرابعة"..وكان صحت التجارة..الخال قال يخلي ناس المنظمة محتارة..ختير يا خال..!!

بنت وهب كتب:: الفرحة كانت عارمة وعم عبضرحيم كان سعيدا جدا وسط اهله وناسه

وهنا تختلط أمواج الفرح..ناس كبار وصغار..فينا طيبة القرية..وما في كان "اشرار"..ناس تقول عمي وناس تقول حباب الخال..

بنت وهب كتب:: أعضاء المنظمة(أبو همام)ود. حسن كرار(أبو على)وعم عبضرحيم

ابو همام استقبلناهو رشا بالعطور..حسب عاداتنا القديمة.. لنكف عنه أعين "الساحرات"..معليش ابو همام "تركب" غيرها..اللاندات رااااقدة...

GM كتب:: عمل مشرف جدا" .. التحية لكل من ساهم فيه .. أنتم تاج على رؤوسنا

المدير العام..أنزل انا دايرك..!!

بنت وهب كتب:: )العم سعيد بابكر مستكينا بعد أن أفرغ بندقيته حماسا وفرحا و(أرعبنا)

الوالد "أرعب" الفريق الصعيدي بالخرطوش "المسرح"..ثم جاء لفريق صباح ليرعبهم وناس المنظمة بالكلاش..فاحتجت كلاب الحلة..وطارت حمامات عم حامد شجر..

بنت وهب كتب:: ما بعد الختان...السيرة بالعديل والزين

فارس يا ولد..وابوه يعزه شيلا على الاكتاف..

عبدالرحيم أحمد يوسف كتب:

بنت وهب كتب:: )العم سعيد بابكر مستكينا بعد أن أفرغ بندقيته حماسا وفرحا و(أرعبنا)

سررنا كثيرا لهذا الحدث الكبير وألف مبروك للمختونين وأسرهم فى رحاب قرية السنط الغربى وبقية القرى المجاورة ونهنىء أعضاء اللجنة التنفيذية لهذه المنظمة الخيرية على هذا المجهود المقدر وتحياتى الخاصة لعم عبدالرحيم ( ود حلتنا )وعم سعيد ولكم أنتم بنتنا .

شكرن الليد الباشمهندس جونير..وان شاء الله الجاية في "الجلابة"..عشان "نصوط" الفرح والخمج هناك ايضا.. بجهدكم وعونكم وتشجيعكم لنا..نفذنا ما ترغبون فيه..

بنت وهب كتب:: ينتظرون الكثير من عم عبضرحيم سعيد....

أغبش جراب الفول..لابد أنه يتساءل..الراجل الشايل "البراق" دا داير يسوي شنو!! البراق يقصد الفلاش طبعا..

بنت وهب كتب:: مجموعة من الفريق الطبى المنفذ للختان

شكرن مرتين الفريق الطبي الماهر وبارع في قص "الجلود"..آها ناس الدباغة لسع ما جونا نبيعها لهم..

بنت وهب كتب:: عم عبضرحيم وترحيب حار باعيان الادارة الاهلية بقيادة الامير الزين ميرغنى

قلت للأمير نحن متبرعين "بجلود" الضحية..فظهرت اسنانه..وتناول من "تمر المدينة المنورة"..ثم بشر ونقط في بنات الدلوكة..قبل أن يغادر..

معاوية حامد بشير كتب:

شيوخنا وعزنا في مقدمة الحضور..لهم تحياتي وتقديري واحترامي

..

معاوية حامد بشير كتب:: صبر شوية لحدي ما تظبط معاي والعندو ملاحظة يرسلخا على الخاس حتى اتقي ضحكات ود سعيد الشرماء شماتة

[justify]مكتب المنظمة في مبنى البوسطة القديمة..لا يمكن لاي قنبلة ان تحدث فيه اثرا من صلابة البناء..[/justify]

معاوية حامد بشير كتب:

بعض أعمدةالمنظمة النسائية حضرن في "البكور"..

» عم عبضرحيم يشرف الابيض والختان الجماعى بقرية السنط بالخميس 26 يناير
» تنفيذ مشروع الختان بحضور عدد من أعضاء المنظمة بالابيض اليوم 3 مايو 2011
» الخميس موعدنا مع زياره اطفال السجينات