بالصور...الختان الجماعى بقرية السنط الغربى الخميس 26 يناير

الجد حاج أحمد عوض السيد..أحد المناضلين القدامى في مجابدة مكاتب الحكومة لصالح "أهله"..رغم عمره يمتلك أجمل "جنينة" في وادي الخور.. ربنا يطول في عمره..

غرفة العمليات في مستوصف الحلة..والتي تم تجهيزها كما ينبغي.. وطاقم النحل..يقص ويفص..

شوف يا المدير العام..أنا زول "خواف"..زي وزي أخواني ناس الحكيم..والأشتر ومعاوية..كف واحدة تجيب خبرنا "كفين" في شنو..مع "التميز الافغاني دا"..وحكاية "ام كف" يصعب انزالها في المنبر..عشان البلوم ما يطير.. وشكرن لك لأنك اتحت لنا هذا المنبر الذي "انجب" المنظمة..

يعني هسع شوفي كلامك دا "هبر كم شرك"..ولأنك بت بسكويت خلي معاوية يشرح ليك هبير الشرك دا شنو..

إت يا معاوي لو ما جبت النار ..تجيب الكترابة..أكاد أحفط كل اغنيات الفنان أحمد المصطفى..وأغنيها بصوت حماري..عندما انفرد بنفسي..فما أن رايت حمامتك المهداة حتى دخلت علي بت عم ابراهيمنا في..
كلما ذكرت جمالو..شعور وانسجام
وكمال صفاتو..وفن الكلام..
رمز السعادة.. حمامة السلام..
ابكي أنا كلما ذكرتو..
وهكذا نبكي كلما ذكرنا جمال بت عم ابراهيمكم..
مقبولة الهدية..ولكن لماذا غسلت "يديك" بصابون الديتول..ما يزال لدينا 22 لقطة نرسلها لك تختار منها ما تراه مناسبا "للنزول"..أو الصعود حسب موقعك من "بئر المعرفة"..أما أبو لمبة فله ايضا الشكر على علمه الكتير في هذا المجال..وانا سوف استاذن "ابو الاضواء" لتغيير لقبه..إلى ابو لمبة..وذلك بسبب انني أحب الكلمات التي تجمل المعنى واللغة..فأبو لمبة تساوي ضوء زائدا عقل ينير اركان الضلام..فهي أكبر من ناحية المعنى..أما في اللغة فهي اقرب للسان العامي الفصيح..أو هكذا يخيل لي على ضوء اللمبة..شكرن معاوي تعبناك بجهلنا فتحملتنا..وكنا نعرف أنك جنديا تقدم جديدا للاجيال الشابة وتلهمها..بلا تمن..

أظنك خربتها يا معاوي.. جابت ليها رطانة..انينا شن عرفنا قال شنو..عشان كدة نستمر في أبو لمبة..ويستمر هو في أبوالأضواء..دون تعارض..ونتقاسم حلاوة التسميات نص نص..تعرف يا معاوي مرة..كنت سارح بالعجال لقيت ليك ابو لمبة يرطن ساكت في ضل الهجليدة الكبيرة في قوز "محس"..ولا اشتغلت ليك برطانتو..لقيت لي بيت نمل وقاعد ألعب واسوي في بقر الطين..شويتين صاحبك.."حت قفاهو" ورحل..أظن المرة صالحتو..